Your Daily News

IRAQ IN MI 38 KHAIHLUM

0 1,578

Iraq sorkar chuan firfiaka chetnaa inhnamhnawiha puha thiam loh chantir, mi 38-te chu Ningani khan a khaihlum.

Justice Ministry chuan an mi khaihlumte hi an vaiin Islamic State (IS) member vek an nih thu a sawi a, chhim lama Nasiriyah khuaa tan-in chhungah khaihlum an ni. Hei hi kumin September 25-a firfiak 42 khaihlum an nih hnuah a ruala mi khaihlum tam ber ṭum a ni.

Amnesty International chuan he thil thleng hi a dem thu sawiin, Iraq sorkarin IS laka hnehna a chan thu a puan hnu lawka hetiang thil a ti leh hian Iran hmel a tichhe hle niin a sawi. Amnesty  Middle East director Lynn Maalouf chuan IS firfiak mante chuan dik taka an chungthu relsak an phu a ni, a ti.

Iraq hian nikum khan thiam loh chantir mi 88 a khaihlum a, kum hmasa 2015 khan mi 26 a khaihlum thung. Ningania khaihlumte hi a tam zawk chu Iraq ram mi an ni a, Sweden mi pakhat a tel nia sawi a ni bawk.

Credit; vanglaini

Leave A Reply

Your email address will not be published.

This site uses Akismet to reduce spam. Learn how your comment data is processed.

error: Content is protected !!