Iranian Hmeichhe Footballer In ‘Mipa A Ni’ Tia An Puhna Chu Inhmuhsitnaah Ngaiin Jordan FA Khinlet A Tum.
Iran hmeichhe inkhelhthiam Zohreh Koudaei chuan, an chak loh avanga Jordan FA in mipa a ni tia an puhna chu chhang letin thudik hailan a nih tur thu a sawi.
September thla liam ta khan Women’s Asia Cup-ah Iran leh Jordan football team te chu an inhmachhawn a, he match ah hian Iran National team te chu penalty shootout in 4-2 in an chak a ni.
He match pawimawh taka Iran hmeichhe team an chah theihna chhan ber chu an goalkeeper mipa ang tak Zohreh Loudaei kum 32 a upa vang hi a ni. Penalty vawi 2 a saves a ni.
Iran in hnehna an chan hnu hian Jordanian Football Association chuan he hmeichhe footballer hi hmeichhia a nih an ring thei lova, mipa a nih ngei ringin a nihna dik tak chhuichiang turin thuneitute chu an phut a ni.
Koudaei chuan mipa a ni tia an puhna chu a lak nat thu sawiin, Jordan FA thil tihdan chu hriatthiam har a tih thu leh an mi hmuhsitna chu a ngaih theih loh thu a sawi a ni.
Jordan FA chu na taka chhang letin, he thilah hian Jordan FA chu khinlet a tum thu Iranian media hmaah a sawichhuak ve ta a ni.
