Your Daily News

Inneihna Hmunah Inneih Lawm Nan Silai An Hmehpuah Laiin Monu An Kaphlum Hlauh!

0 2,201

Iran khawpui pakhat Firuzabad-ah nu pakhat chu a pasal neihna hmunah inneih lawm nana silai an hmehpuah laiin silaimuin a chalah a fuh palh hlauh mai a, vanduaithlak takin monu hi a thi tih hriat a ni.

Mahvash Leghaei kum 24 mi leh a bialpa te chu ropui takin an innei a, he inneihna lawmna chikhat atan inneih chhimtu zinga thenkhat chuan silai an hmetpuak chiam mai a, rin phak bakin monu ngei mai chu an kap fuh ta hlauh mai a ni.

Iran ramah hian inneihna hmunah silai hmehpuah chu dan kalh ani a mahse, hmun thenkhatah chuan he thil hi an la ching chhunzawm reng a ni. Sawrkarin khapna thupek chhuah mahse hman ata tawh an lo chin than anih avangin bansan mai harsa a ti hle ni tur ani. Monu kap palhtu hi kum 36 mi niin a silai rifle chu licence neilo, sa kahna atana a hman thin a ni nghe nghe.

Report atanga a landanin, silai hmetpuaktu hian a vawi khatnaah tumah a fuh lova, a vawi 2 naah silai mu chuan monu chaldarah tak a fuha, silai mu hian a thluak a khawihchhia tih endiktute chuan an sawi. Monu bakah mi 2 dang chu silai mu hian a fuh tel bawk a ni. Monu kaphlumtu hi a tlanchhiat laiin kawngpuiah Police ten an man zui ta a ni.

Monu hian a dam laiin a hun a hmang tha hle a, ngawlveite enkawl nan a hun a pe thin tih an sawi. A thih hmain a chhungte hnenah a thih hunah a taksa peng te chu midangte tan pek a duh thu a sawi a, a duhthusam ang ngeiin a chhungten a taksa peng te chu a mamawhte tan an dahtha ta a ni.

Leave A Reply

Your email address will not be published.

This site uses Akismet to reduce spam. Learn how your comment data is processed.

error: Content is protected !!