Your Daily News

Inneih Zungbun Manto Uchuak Tak Aiah Kutzungṭanga Tattoo In Ang Chhutkai An Thlang Zawk

0 314

Inneihna hi nula leh tlangval tan chuan hun pawimawh ber kan ti thei awm e. Inneihna felfai leh changtlung tak buatsaih tur erawh chuan sum tam tak sen a ngaia, inneihna chu thil hlu tak ni mahse mi zawng zawng tan thil awlai erawh a ni hauh lo.

Inneihna senso dang zawng chu dahtha ila inneihna zungbun ringawt pawh sum tam tak senga lei a tul a, inneihna tur senso neih zawh loh avanga nula leh tlangval nun beidawng leh mahni nunna hial inla tate pawh tam tak sawi tur an awm tawh a ni.

Hetih lai hian Philippines ramah nula leh tlangvalte chuan an inhmangaihna chu inneih zungbun lunghlu a siam hmang khera lantir loin, an kutzungtang a Tattoo in ang chhutkai hmangin mite hmaah inneihna thu an tiam tih hriat a ni.

John Paul Rivera leh a bialnu Mimi Miaco-te chuan a zangkhai thei ang bera inneihna hlimawm tak an hlen chhuah theih nan an kutzungtang ah zungbun in ang Tattoo an chhukai a, inneihna chhimtu mipui hmaah kumkhuaa inthen leh tawh lo turin thu an tiam ta a ni.

Monu, Mimi Miaco chuan Female Network lamah an chanchin chu pholangin, inneih zungbun lunghlu hmanga siam manto uchuak aiah Tattoo zungbun in ang an thlanna zawkna chhan a sawifiah nghe nghe.

Mimi chuan tattoo zungbun chu an damloh lai leh an thih ni ah pawh nuaibo theih a ni lo tih sawiin, an damchhung bakah an thih ni leh an hun tawp thleng pawhin a chhe ve ngai dawn lo a ti bawk.

He an inneihna tattoo zungbun in ang chu Manila lam chhuak artist design niin USD$48 seng a an chhutkai a nih thu a tarlang. An inneih ni ah engmah neilo mahse, an kutzungtanga an inneihna zungbun tattoo an chhutkai chu an hlimpui tak zet tih a sawi a ni.

Leave A Reply

Your email address will not be published.

This site uses Akismet to reduce spam. Learn how your comment data is processed.

error: Content is protected !!