Mi lar tamtakte nena thlalak chu a ngah khawp mai.Mahse engthil nge dik chiah lo tih hre tur chuan i en nawn fo a ngai thung ani.
Tun ang lai kan khawvelah hi chuan social media hian kan nun ah hmun a luah thuk hle mai a.Amaherawhchu,internet lama kan thil hmuh tam zawkte hi chu a tak nge a lem tih hriat hran erawh a har thin hle ani.He Indonesian pa hian a thlalak social media ah a post thin chu a dik fumfe ngai miah lo thung,mahse a tak a ang em em tho si.
A thlalak edit thiam em avang chuan Syahril Ramadan ,Indonesian chu internet lamah chuan a lar ngat ngat hle.Thlalak nalh lo chu a nalh lo ani mai a,siam tha leh tur chuan thil harsa tak a tling thin.
Thlalak nalh chu Photoshop hmanrua hmangin emaw a ai nalh leh zual ah thlak theih ani tih chu kan hre theuh awm e.Mahse Syahril thiamna erawh hi chuan kan rin phak bak ai tha in a chhuah thei tlat ani.