Your Daily News

INDONESIA RAMAH CHRISTIAN PAPAKHATIN ZU A ZAWRH VANGIN MIPUI HMAAH CHHAWRTIANGA VUAK ANI

0 616

Indonesia, muslim kulmukte chenna ram Aceh province ah christian papakhat Jono Simbolon-a chu zu a zawrh vangin january ni 19 khan mipui hmnaah chhawrtiang a vuak a ni.

An vuak lai hian naupang tam takin ring tak takin deriam takin an nuih maisawh bakah mipui tam takin an en thup bawk. An vuakna hmun hi provincial capital Banda Aceh muslim te mosque (biakin ) ah niin , zu zuartu Jono hi tu tih hriat loh hmai tuamin a hlap hrep a ni.

Sumatra island,Aceh province hian kum 2001 khan an mahnia inrelbawl theihna dan an hmuh atangin Jono hi muslim sakhuabetu ni lo, sakhua dang bia mipui hmaa chhawrtiang nena vuak tuar zianga pathumna a ni bawk.

He hmuna muslim sakhuana vawng nung zel tur hian sorkar atang phalna an neih thu Banda Aceh mayor Aminullah Usman-an a sawi. An dan zamte palzuttu reng reng sharia police hnenah  an thlen vat a, tichuan mipui hmaah chhawrtiang hian an vaw thin a ni.

Jono hi vawisawm an vuak hnuah doctor hnenah endik turin a hruai a , doctorin a endik zawh hunah vuak chhunzawm leh tur a ni. He khuaah hian Jono tiamin mipa pariat leh hmeichhe pa 2 te chuan mipui hma a chhawrtiang a vuak an tuar tawh a ni, Hengmite an vuak chhan hi nawhchizawrh vang te, nawhchizuar kawl vang te leh sum hmanga inchawina huaihawt vangte an nih thu an sawi.

Leave A Reply

Your email address will not be published.

This site uses Akismet to reduce spam. Learn how your comment data is processed.

error: Content is protected !!