Hun Rei Tak A Thangbo Hnuin Khaw Lamah Kutdawh Lem Changin A Haw A, A Fapa Upa 2-ten Lo Hnawlin, A Naupangber Chuan Hmangaih Taka A Lo Kuangkuah Hnuah A Hausakna Zawng Zawng A Kutah A Hlan!

Hun Rei Tak Khawpuiah A Thangbo Hnuin In Lamah Kutdawh Lem Changin A Haw A, A Fapa Upa Lam 2-ten Lo hnawlin, A Naupangber Chuan Hmangaih Taka A Lo Kuangkuah Hnuah A Hausakna Zawng Zawng A Kutah A Hlan!

Putar pakhat Liu Muhai leh a nupui chuan fapa 3 an nei a, a fapa te 3 enkawla chawmseilian turin khawpuiah inhlawhin a thawk chhuak ta a ni. Khawpui a awm chhung hian nasa takin a fate leh chhungkaw tan hnarum tinreng a thawk a, a chau tak zet tih an sawi a ni. A hma chu ko teh mahsela a fapa 3 te chawmseliana an mamawh phuhruk theihna a nih dawn phawt chuan hreawm pawh a pawsa hauh lo.

Hun rei tak khawpawn lamah hnathawka hun a hman hnu chuan an khuaah Mr Liu Muhai chu kutpui pawimawh tak hmang tur leh chawl hahdam ve tawh turin a haw ta a ni. A inhlawh chhung hian a fate nen chuan an inbe mang hauh lova, khat tawkin an inbe zeuh tih loh an titi khat hle!

Hun a liam zela kum 70 dawn a lo ni ve ta! A taksate chu a lo chhe ve tana hnarum tak thawk chhunzawm zel tur chuan a tlin ta bik hauh lo. A tan chuan an khawlamah haw a, nupui fanau duhtakte nen hun hlimawm tak hman chu a thil ngahhlelh ber a ni. A fate nen chuan an inhlat em avangin an mizia pawh a hre lutuk lem lova, a fapa 3 te nunchang chu enchhin tumin kutdawh rethei tak angin a inthuam ta a ni.

An khua a thlen chuan thawmhnaw chhe tak leh tawp tak inbelin a inthuama, a fate nunchang chu zirchian a tum ta ani. A hmasaber in a fapa upa ber chenna hmunah kalin kawngka a va kik a, “Ka fapa i pa a lo haw e” a va tiin, a fapa upa ber chuan kawng hawngin a ke atanga a chhip thleng a melh kual vak maia, kutdawh mai a ni tih a hriat chuan, a pa angin in sawi mahsela in atang chuan a namchhuak zui ta nghal a ni. A fapa chuan, ” Nang putar kuhdawh kha tawp leh lutuk mai, ka pa chu khawpuiah awmin sum tam tak a hlawha min thawn thin asin! Engtin nge ka pa nangtein i in sawi theih zawk le” a ti a ni.

A pa chuan “I pa dik tak ka ni. Sum zawnga inhlawh thei ka ni tawh lova tun dinhmun hi ka thleng ta a ni” tiin a chhang a, chu veleh rang taka chhuak nghal thuai turin a nam sawn leh ta a! A upa ber dawttu hnenah pawh chuan kuhdawh ang bawk chuan a va kal leh a, kawngka kikin a hma ang bawk chuan a va ti nawn leh ta a ni. A fapa 2 na pawh chuan “Tunge i nih ka hrelo a che, kal bo mai teh” tiin a lo hnar leh ta a ni.

A fapa upa lam 2 ten an hnawl hnuah, a fapa naupang ber erawh chuan fel tak leh hawihawm takin a pa chu a lo lawm a, a nupui hnenah “Ka pa inbual nan tui kha chhuangso la eitur tuihnai tak te kha siamsak ang che aw” tiin. Mr Liu Muhai chu a fapa naupang berin a lo lawmdan leh a nungchang mawi tak a hmuh chuan a lawm em em mai a, a chhiat lai ber leh dinhmun khirha a awm lai pawha amah hmangaihtu a ni tih a hre thei ta ani.

A pa lawm lutuk chu, a bag chu keuhawng nghalin sum thahnem tak mai a lo khawl chu a fapa naupang ber hnenah, “Ka fapa fel hei hi ka sum khawlte chu a ni e” tiin US Dollar 136,084 zet chu a hlan zui ta a ni. A fapa naupang ber chuan a pa sum hawn chu amah a enkawl dawn phawt chuan a lo pawmsak tur thu a sawi a, hlim takin an an chhungkuaah chuan a pa chu a pawm ta a ni. A fapa upa lam 2 te pawh chuan thil awmzia an lo hriat chuan an lawm ve hle mai a, a pa hnenah ngaihdam dilin an lo kal a, pa ber chuan “nangni mi rilru diklo leh ngilneihna thlachham fapa hi ka hrelo a che u” tiin a lo hnawtbo ve ta a ni.