China ram Huawei company sum enkawltu lian ms Meng chu America sawrkar ukilte chuan case 13 lai siamin nimin Thawhtan ni khan New York Union courtah thu an theh lut a ni. Sum kaltir dan dik lohna, America thiamna ruk leh, Iran ram chunga America hrekna chungchangah inrawlhnate hmangin Meng Wanchau chu New York, Brooklyn courtah an khing ta a ni.
Amah tho hi Washington courtah an khing leh a, US sum dawnna thurukte a lo rukchhuah vangte, sum thawn diklote leh rorelnaa a lo inrawlh vangtein case an siam leh bawk a ni. America company T-mobile finna chu ruin khawvel sum zawnnaah hmahruai nithei turin Huawei company nen an thawk a ni tih Washington state thlang lam biala ukil chuan a sawi.
America leh chinate sumdawnna lama inelna a nasat lai takin hetiang thil hi a rawn thleng a, Mengi hi Huawei company dintu ber fanu a ni. Tunah hian Canadaah house arrestin a awm mek. Hemi thil avang hian US leh Chinna pawh an sakhmelah rem thu a leng lo na sa. January ni 30 hi ms Meng chu Americaa thawn turin US chuan a ngen a ni.
source ‘VOA’
