Your Daily News

Huanah Thai Boxing Champ Tît Lian Zetin A Sehhlum

0 3,336

Thai boxing champion lar khawvelin ‘Powerful Southpaw’ tia a hriatlar chu an huana hna a thawh mek laiin tît lian zet mai chinese red headed centipede (Scolopendra subspinipes) in a seh hlum tih hriat a ni.

Muai Thai champion hlui leh mi hriat hlawh tak Dokmaipa Por Pongsawang kum 52 mi hi October 7, 2020 (Wed) khan Kalasin damdawi in ah tît seh avangin a hliam tuar loin a thi tih puan a ni.

A hming dik tak chu Jamnian Mulkesorn niin 1990 kuma champion belt a lak hnu khan Dokmaipa Por Pongsawang tia koh a ni hlen ta a ni.

A fanuin Local Press a hrilh danin a pa chu an huan a thlawhfai laiin tît lian zetin a vei lam ke ah a seh tih a sawia, hemi hnu hian a khuate sikin a lu a hai bawka, a dinhmun chu tlahniam zelin October 4 khan damdawi in lamah hruai a nia, an chhanchhuak zo ta lo tih a sawi.

Hospital director Pramuan Thangamsilp’an reporter-te a hrilh danin Muai Thai Champ Dokmaipa chu tît sehna avangin a thisen chu tûr in a fan zo tih sawiin chhanchhuah hman a ni ta lo tih a tarlang.

Heng Chinese red headed centipede (Scolopendra subspinipes) te hi a lian tha hle a, 8 inches lai a seite an ni tih mithiamte chuan an sawi. (Daily Star)

Leave A Reply

Your email address will not be published.

This site uses Akismet to reduce spam. Learn how your comment data is processed.

WP2Social Auto Publish Powered By : XYZScripts.com
error: Content is protected !!