Kum 10 mi, hmeichhe naupang tan chuan constraction hmuna hnatawh chu a har viau ang le. Ni sensa hnuaiah thil rit tak tak nawar kual vel chu a tan chuan a har lua a ni. Mahse a tan chuan school chawlh san a, a pi leh a pu hnathawk thei tawh lo enkawl nan a sum thawh chhuah bak chu kawng dang a nei tawh si lo.
Naupang dangte chu an nu leh pa te angchhungah hlim taka school kala nuam taka an awm lai-in ani erawh ni sensa hnuaiah rim takin hna a thawk a ni. Accident vangin a pa a chan a, a nu lahin an neih zawng zawng tlan bo puin mipa dang a um a ni. A pi leh pu tar tawh tak hnenah a khawsa a, a pi leh pu pension hlawh chauh chuan an damdawi inenkawlna man tur a phuhru zo lo, tichuan school chawlhsan-in ni sensa hnuaih constraction hmunah hmeichhe naupang hian hna a thawk ta a ni.
An thawhpui pakhatin naupang hi a hmuh chuan a lainat hle a daihhlim hnuaiah chawl hahdam turin a hrilh, mahse naupang hian ka pi leh pu te ka enkawl nan sum ka mamawh a daihhlim hnuaia chawlh hahdam ai chuan hnathawh hi ka mamawh ber a ni tiin a chhang.
Keini Mizo thalai te hian he hmeichhe naupang lak atang hian zir tur kan va han ngah tak em aw, nu leh pa thawhchhuah ringin school kan kal a, chu ti chung pawh chuan kan la zir tha peih lo chu ani si a.