Your Daily News

Hrem Hmun Luhka ‘Gateway to Hell’ Mei Alh Nasa Tak Chu Tihmih A Ni Dawn Ta!

0 3,004

Turkmenistan rama khualzinte hiptu ber leh khawvela meialh hlawm lianber a an sawi thin Hremhmun luhka ‘Gates of Hell’ tia an sawi thin chu tih mih a nih tur thu an ram president chuan a sawi ta tlat mai.

‘Door to Hell’ an tih bawk gas lo alhchhuahna lei kua hi Turkmenistan khawpui Ashgabat hmarlam mel 160 a hla thlaler a awm a ni a, he gas alh hi mit map lohin kum 20 chuang chu a alhchhuak tawh a ni.

1971 kumah Soviet geologists te chuan helai thlaler hmunah hian Oil a awm leh awm loh an dap chiam mai a, hetih lai hian gas awmna hmun an verh pawp ta hlauh maia, an leiverhna kua chu min zuiin leikhuar thuk tak hmun 3 ah a insiam ta a ni. Helai lei tlahniam kua atang hian meialh hlawm lian tak gas kang alh chu a lo irhchhuak zui ta a ni.

Helai gas putchhuak a boruak chhe tur ven nan geologists te chuan gas chu an hal alh law law niin an sawi a, kar hnih khat lekah mei chu a mih mai an ring a ni. Mahse, mei mi hi a mit thei lawk lova kum 20 dawn chu a alh tawh a ni.

He kangmei alh nasa tak mai ‘Gateway to Hell’ tia an sawi thin chu Turkmenistan president Gurbanguly Berdymukhamedov chuan leilung leh mihring hriselna a tihchhiat loh nan tih mih a tum thu state newspaper Neitralny Turkmenistan a hrilh a ni.

President Berdymukhamedov chuan 2010 kum liam ta khan he hremhmun meipui alh hi timit turin thupek a lo chhuah tawh a mahse, a hlawhtling ta lo a ni. He meialh hian tlawhtu khualzin a hip nasa hle a an ram tan erawh chhiatna thlen thei thil a ni thung.

Turkmenistan ram hi khawvela natural gas nei ngahber ram palina a ni pha a ni.

Leave A Reply

Your email address will not be published.

This site uses Akismet to reduce spam. Learn how your comment data is processed.

error: Content is protected !!