Khawvel indopui zawh hnua german ram a tual that hnen bera an sawi chu mipa nurse Niels Hoegl ngei hi a ni.
Hospital a khumbet a mu dam lo mi paruk thah thubuaiah an man mipa nurse Niels Hoegl chu dam chhung lungin tang tura a chungthu rel sak ani tawh a, Mahse midang 97 a thah thu pawh hriat chhuah anih leh avangin a chungthu an rel nawn leh dawn a ni.
Niels Hoegl-a chungthu hi kumin chhungah ngei an rel fel tur thu Oldenburg khawpuia court thuneitute zinga pakhat chuan AFP chanchinbumite hnenah a hrilh a ni. Niels Hoegl hian dam lo te chu an lungphu tawp turin emaw an thisen luang chawlh tir turin damdawi a chiu thin a, tichuan dam lo te an lo harh chhuah leh hunah chhandamtu anga an ngaih ropui theih nan a, heng mithi 100 chuangte hnena damdawi hi chiu thin anih thu a sawi.
Police te chuan Niels Hoegl-a thubuai ang hi german history ah a la awm ngai loh thu an sawi. Dam lo te lungphu chawl turin a chiu a, a tih harh leh theih chang chuan a nuam a tih thin hle thu pawh court room chhungah Niels Hoegl-a chuan phur takin judge te hmaah a sawi a ni.
A tir chuan Niel-a hi dam lo mi paruk thah thubuai hmanga dam chhung lungin tang tura thiam loh chan tir ani a, mahse hospital ah hian mithi ruang an hmuh belh zel avangin heng mi parukte a thah bakah midang 97 hospital chunga tual thih chungchangah pawh Niel-a hian case a awrh dawn a ni.
Midang 97 te hi Delmenhorst hospital atangin mi 62 leh Oldenburg hospital atang 35 an ni. Niel-a hian dam lo te hnena lungphu chawlhna damdawi a chiu lai chu kum 2005 khan Delmenhorst hopital a nurse t pakhatin a lo hmu fuh a, mahse hemi tum ami hi chu a dam chhuah leh thu hriat a ni bawk.
Mahse Niel-a chu dam lote thah a tum vangin kum 2008 khan kum 7 chhung lungin tang tura thiam loh chan tir ani a, kum 2015 khan dam lo mi paruk a that thu hriat chhuah anih leh avangin dam chhunga lungin tang tura thiam loh chan tir a ni.
Niel-a hian Lungin chhungah mitang dangte hnenah mi tam tak a thah thu a hrilh thin bawk, Niela-a hi kum 1999 atangin kum 2005 thleng khan Delmenhorst hopital leh Oldenburg ah a thawk a ni.