Honduras khawpui Tegucigalpa bula nimina helicopter tlaah mi paruk an thi a, thi zingah hian Honduras President Juan Orland Hernandez-a farnu a tel.
Hilda Hernandez-i hi kum 51 mi ani a, agronomy engineer niin a nuṭapa kaihhruai sorkarah hian communication minister a ni. President hlui Porfirio Lobao hnuaiah khan social development minister a lo ni tawh bawk.
Hernandez-i chuanna hi sipai helicopter a ni a, Tegucigalpa international airport aṭangin km 60-a hla, Comayagua pan tur an ni. Helicopter hi a thlawh chhuah hnu reiloteah biak pawh theih lohin a awm a, a hnuah Tegucigalpa bula tlangah a tla hi hmuh a ni a, a chuangte zingah dam khawchhuak an awm lo. Thlawhtheihna tlak chhan hi hriat chian a la ni lo a, chhui chian nghal a ni.