Hnute Pholanga Mipa Dang Phone-a A Biak Lai Thikthuchhia A Pasalin Phawkin Chemtein A Hrawk Zaichatin A That

Southern Thailand Krabi Province-ah pa pakhat chuan a nupui chemtein a hrawkah zaiin a thah tih an sawi.

Kum 50 a upa Prachuap Nuanchan sawidanin a nupui chu mipa dang nen phone in an inbia niin a sawi a, hetia an inbiak lai hian a hnute a pholang niin Police te hnenah a sawi a ni. Prachuap leh a nupui hi farm-ah an khawsa niin an sawi. Police hnenah pawh Prachuap hian a nupui kum 58 mi Rattanakul chu ama thah a nih thu a inpuang zui a ni.

Police te sawidanin, Prachuap hi hnathawhna hmun atangin inah a lo haw a, a nupui chu hnute lang kuau chungin Phone ah mipa dang nen an lo inbe mek niin an sawi a, hei hi a pasalin a hmuhin a thik mai piahlamah a thinrim hle tih an sawi.

Chawhmeh channa chemte hriam zet chu Prachuap chuan chuh nghalin, a nupui chu a hrawkah tak a zai nghal a, a hliam tuar loin a boral zui ta a ni. Police te hnenah pawh Prachuap chuan a nupui mipa dang nen an inbiakna sulhnu chu phone-ah hmuh theih a nih thu a hrilh a, a chetdanah thilsual tiah a inngaih loh thu a tarlang bawk.

Prachuap leh a nupui Rattanakul te hi kum 20 chuang an innei tawh a, an intithiam lo zeuh tih loh chu chuti lutuka nupa inngeih lo chu an ni lo tih an sawi a, a nupuiin mipa dang laka fanu a neih pawh kum 2 mi a nih lai atang tawhin a lo enkawl tawh a ti a ni.