Your Daily News

Hna Interview Tuma A Chhuah Laia, Kalkawnga Car Chhia Siama Mi A Tanpui Avanga A Tlai Phahna Chuan Rinphak Bakin A Nun Pumpui A Thlakthleng Zawk Si!

0 2,411

Hna Interview Tuma A Chhuah Laia, Kalkawnga Car chhia Siama Mi A Tanpui Avanga A Tlai Phahna Chuan Rinphak Bakin A Nun Pumpui A Thlakthleng Zawk Si!

Mite chunga that chhuahtu chuan thiltha a hmu let thin tih a nih kha maw! Pa pakhat Jimmy tia an koh mai hi car chhe siam thiam niin, hna mumal zawk thawh ve tumin a rilru a seng ve nasa hle a, company pakhat hnaruak awmah chuan dilna a thehlut ve ta ani!

Vanneihthlak takin a hna dilna company chuan a lo ko ve ta hlauh mai a, nalh taka incheiin, a thawmhnaw neih that ber berte chu a inbel tih an sawi. Ngaihtha zana a inthuam hnuah hna interview tur chuan Company office lam chu a pan phei ta ani.

Kalkawngah chuan pa pakhat a hriat ngai mi pawh nilo chuan car hnunglam chu a lo tlawh vak vak maia, a car a chhiat avangin a mangang tak zet tih chu a hriat theih a, a car chhia chu siam that ngaihna a hrelo tih a chiang reng mai. Jimmy chuan car chhe siam chu a tih theih ve zawng tak a nih avang chuan a va pan hnaia a tanpui ta ani.

Car neitupa chu a lawm hle a, Jimmy hnenah lawmthu a hrilh zawh chuan, engvanga nalh taka inchei nge a nih tih leh, engti tura helai hmuna inhmu ta nge an nih a zawt zui a. Jimmy chuan hna interview tuma kal a nih thu a lo hrilh a, car siam man pek a tum pawh chuan Jimmy chuan a la duh ta chuang lova, car siam nan hun tlem a khawhral avangin hna interview erawh nang hman turah chuan a inngai chiah bik lo a ni.

Car neitupa chuan tanpuina mamawh ngawih ngawih bak tumah a tanpui ngailo tih sawiin Jimmy chu hna interview na hmunah chuan a car in phurh phei a tum ve ta thung a, Jimmy pawh chuan interview chu a tlai dawn tak ngial avangin a hnar ta lem lo. Car neitupa chuan Jimmy chu Company Office thleng a phurphei ve ta a ni.

Jimmy chu a kuta mawm kai leh tim deuh tak chuan waiting room lam a pan ve ta a, hna diltu mi thahnem tak intlar put mai chu a hmu thei mai a, vanneihthlak takin interview kalpuitu tur ber chu a tlai ta hlauh maia, hna interview chu a nang hman ta hrama a lawm tak zet a ni. Interview neihpuitu tur chu a lo thleng ve ta nghal a, interview na hmun atang chuan beidawng ang reng takin a thiante chu a mal tei tein an lo chhuak sap sap maia Jimmy pawh chu a tim ang reng hle.

A hun a thlen meuh chuan, company hotupa hmaah kut bal zet leh inringlo tak chung chuan a va tleng phei ve ta dawrh mai a, interview latupa chuan a mitah tak a han en a, kalkawnga a car siam chhia siam thatu kha a nih tih a hre thuai a, Campany genaeral manager chuan Jimmy hnenah “Hna thawhpui tlak mi taima, tlawmngai leh mi ropui i ni” tiin an team ah a lo la lut ta nghal a, a hringnun chu kar lovah a inthlakthleng ta a ni. Boss chuan “Ka lawmpui che Jimmy” tiin an 2 chuan nghet takin chibai an inbuk zui ta a ni.

Leave A Reply

Your email address will not be published.

This site uses Akismet to reduce spam. Learn how your comment data is processed.

error: Content is protected !!