Your Daily News

Hmelthat Leh Pian Nalh A Tum Luatna Lamah Surgery A Neih Laiin Vanduaithlak Takin A Thi!

0 463

Spain, Alcantarilla a khawsa nu pakhat kum 39 mi Sara Gomez chu hmelthat leh pian nalh a tum luatna lamah a taksa thau paihthen a surgery an neihsak laiin Hospital-ah a thi tih an sawi.

Nu lainatawm Sara Gomez hi December 2, 2022 Inrinni ah Damdawi inah dah luh a ni a, thla 1 tep ICU ah a awm hnuin a boral zui ta a ni.

Olive Press in a tarlan danin, surgeon a hming tarlan loh chuan Sara Gomez chhungte hnenah engkim a kaltluan thu sawiin, hlawhtling takin Sara chu surgery a tihsak tih a hrilh a, a taksa atangin tuiril lam a chhuah nasat avangin ngai awh leh turin an bei mek tih a sawi a ni.

Mahse, darkar 3 a liam meuh chuan Sara chu Hospital General Universitario Santa Lucio ah dah luh nghal a ni a, a dinhmun a that loh em avangin ICU ah an sawn zui ta a ni.

Sara Gomez unaupa Ruben Gomez pawhin a farnu thil tawn chu rapthlak a tih thu sawiin, a taksa hmun tam tak chu chemte nena inbeihna hnuhma ang maiin a kaw seng sung mai a ni a ti bawk. Sara Gomez chhungte aiawha thupuangtu chuan Sara chhungte chuan thubuai thehluh an tum tih a tarlang a ni.

Leave A Reply

Your email address will not be published.

This site uses Akismet to reduce spam. Learn how your comment data is processed.

error: Content is protected !!