Your Daily News

Hmelthat A Tum Luat Avanga A Hnar A Siam Danglam Hnuah A Ke 2 A Chân Phah!

0 695

Hmeichhiate hian an mawina atan chuan engkim hi an ti duh zel ta mai a ang hle. Turkey rama nula pakhat Sevinc Ceklik kum 27 mi chuan that belh leh deuh tumin a hnar shape siam danglam nan cosmetic surgery a nei tih hriat a ni.

Surgery a neih atanga ni 3 a liam meuh chuan atan vanpui a chim a ni ber mai. A ke 2 chu nasa takin a vung tan a, a duk chhuak vek tih hriat a ni. Enkawlna an pek hnuah a dam mai thei lova, kar 2 a liam meuh chuan a ke 2 in an tansak ta ringawt mai a ni.

Damdawi in hrang hrangah an kalpuia, damdawi chi tin a ei pawhin a dam thei chuang lova, doctor-te chuan damdawi ei nasat chu a tan a pawi thei dawna an hriat avangin a ke chu tansak mai turin thurawn an lo pe a, an tan zui ta a ni.

Sevinc Ceklik chuan a ke 2 a hloh phah avang chuan, surgery lo tihsaktu Istanbul private hospital chu zângnadawmna sum £99,928 pe let turin thubuai an thehluh ve ta a ni. Damdawi in lama thawktute chuan he thilah hian tihdiklo an nei lo niin an sawi ve thung. A hnar an siam that dawna an chiuna damdawi nghawng a nih an rinthu a chhung leh khatte chuan an sawi.

Hospital staff lam chuan Sevinc Ceklik chu surgery a tih atanga kar 2 ral hma zawng arsa ei lo turin an hrilh a, kar 2 ralhmain arsa a ei tih an sawia hei hian blood poisoning a thlen tih an tarlang bawk. Hei vang hian an hnaah mawhpuh tur an awm lo tiin an tang ve tlat a ni.

Leave A Reply

Your email address will not be published.

This site uses Akismet to reduce spam. Learn how your comment data is processed.

error: Content is protected !!