Your Daily News

HMEICHHIATE TAN A HRIAT TUR PAWIMAWH TAK ( A TAKA THIL THLENG NGEI )

0 2,842

He a taka thil thleng hi Hmeichhiate tan a thil hriat tur tha tak leh zirtirtu tha tak nia ka rin vangin mipui tam zawkten kan chhiar theih nan ka rawn translate a ni.

School zirlai bu bel tur chuan hun rei tak khawhralin kan chhiar thin a, Mahse hringnun zirlai erawh kan chhehvela mipuite atang kan zir theiin kan hre thei a ni.

Thailand, thingtlang khaw pakhata hmeichhe tleirawl pakhat chu bangkok khawpuiah University a rawn kal atangin online atang american mipa pakhat nen an inngai zawng a ni. Tichuan a bialpa american pa chu bangkok khawpuiah a rawn zin a ni.

An leng chhuak dun a, an ei dun a, an cheng dun bawk ani, chu tia hun an hman dun hnu chuan american pa chu Thailand a awm phalna Visa chu a zo ta a ni. Thil engkim an tih dun tawh avangin hmeichhia chuan a bialpa haw hma chuan court ah min nei rawh tiin a bialpa chu a sawm a, Mahse chu American pachal chuan ka thei lo Nupui nei lai ka ni tiin a thai bialnu chu a chhang ta mauh  mai le, Tlangval emaw a tih a bialpa chu nupui nei lai ani tih a hriat chuan nula chu a rilru a na hle a ni. Mahse nula chuan a bialpa hnenah chuan court ah min neih loh chuan police hnenah pawngsual case in ka report ang che tiin a vau avang chuan American pa chuan court thlen a hlau hle a, Tichuan a bialnu ka hup nan a bialnu chu a that ta a ni.

Tichuan a bialnu ruang chu a chansawm hnuah plastic dumah thunin luiah a paih a ni. Mahse tui a tlem avangin a thil paih chu a pilin a len thei lo a, a tukah bawlhlawh chhar thin pakhatin plastic chhunga mihring taksa bung hrang hrang a va hmuh chuan police hnenah a report nghal vat a ni.

Police ten nula ruang an hmuh chuan a chenna apartment ah chuan an kal vata tah chuan building vetu te chuan nula hi ramdangmi pakhat nen an chen dun thu leh an chhuah dun thin thu an lo hrilh a ni, Police te chuan building CCTV an endik nghal vatah tahchuan american pa hmel chu an hmu chiang hle a police te chuan an zawng chhun zawma an man ta ni.

He American pa hian social media atang asian nula te chu a chhaikual thin a tichuan ram hran hran a hmeichhe thenkhatte chu a duh duhin a kawp kual thin a, a ti chhe thin ani tih an hre chhuak bawk.

Hmeichhe Naupang pakhat high school zirlai pawhin a chhungte hnenah a thiante nen ni 3 chhung holiday hmang turin an zin chhuak dawn tih a hrilh a, a nu leh pa chuan an lo phal ve mai a, mahse ni 3 hnuah a lo haw loh avangin a thiante chu thu an zawt a, a thian ten eng holiday ah mah an zin chhuah loh thu leh online a, a thian pakhat nen a niang a zin chhuah tiin an lo hrilh avangin a nu leh pa te chuan Tv ah an fanu bo thu an tlangzarh a ni. Tun thleng hian an fanu chu a thi nge a dam tih pawh an la hre lo a ni.

AwLe he thil thleng pahnih atang hian online a fimkhur a tul zia tlem azawng chu kan hre thei ang. Online a kan biak te hi mitha nge annih misual tih kan hre ngawt thei lo a, chu vang chuan fimkhur a ngai hle a ni. Online a i chhar thar kha rin nghal mai aiin chiang takin a chanchin hriat tum hmasa thin la, I rilru zawng zawng a chungah pe nghal mai thin suh ang che. Misual te hi an mizia an thup thiam em avangin hriat chian an harsa hle tih, theih nghilh ngai suh ang che, Social media ah i lo fimkhur thin dawn a nia, i lo hrisel zawk nan leh i hlim zawk theih nan.

 

Leave A Reply

Your email address will not be published.

This site uses Akismet to reduce spam. Learn how your comment data is processed.

error: Content is protected !!