Hmeichhia Naupang Kum 13 Mi Chu A Aia Upa Kum 48 Mi Pasalah Neihluihtir Niin A Kum Rual An Fate Enkawl Tur A Tih A Ni
Khawvel ram te hian tihdan leh kalphung an nei theuh a, ram hrang hrangte leh a chhunga chengte chuan nunphung leh tihdan hrang an neih hliah hlawm a ni.
Phillipines, Mindanao-ah hmeichhe naupang kum 13 mi chuan a aia upa kum 48 mi chu pasalah a nei a, an nupa chanchin hian social media lamah thawm a nei lian hle! Mahni aia upa tak pasal tana a neih piah lamah hmeichhe naupang kum 13 mi chuan an chhungkuaa mawhphurhna a lak bakah a pasal fate zawng zawng pawh a enkawl a tul dawn a, nu nihna dinhmun dik tak chu a koah a innghat thui em em mai a ni.
Harian Metro in a tarlandanin, hmeichhe naupang kum 13 mi leh loneitu Abdulrzak Ampatuan kum 48, Mamasapano khuaa cheng te hi Muslim sakhaw tihdanin an innei a, hmeichhe naupang hi Abdulrzuk nupui 5-na tur a ni nghe nghe. Hmeichhe naupang kum 13 miin, chhungkaw mawhphurhna zawng zawng hmachhawpah a han nei tur chu ngaihtuahna a buai ang reng hle mai. Mahse, he thil hi thleng hi Indonesia ramah chuan thil thar a ni lova, hmeichhia leh mipa kum upa tawh tak takte hi an innei fo mai a ni.
Abdulrzak chuan a fa te rual hmeichhe naupang kum 13 mi nupuiah a nei chu a hlim thu leh, kum 20 a tlin veleh an fa 1 na tur neih ngei a duhthu a sawilang a ni.
Tun dinhmunah chuan a nupui hi zirna lam hawia a kaihhruai tur a sawi a, zirna tha taka a zawh hmasak chu a duhthusam leh thil pawimawh ber a ni tih a sawi ve bawk a ni.
