Your Daily News

Hmeichhia 74 Zet Mipathmeichhiatna Thanga Talawhtirtu South Korean Misual Leader Chu Kum 40 Tâng Tura Hremna Pek A Ni Ta!

0 503

South Korean Court chuan Ningani hian online kaltlanga Mipathmeichhiatna lam hawia nawhchizawrhna kalpuitute zinga a mengzanghlaptu ber Cho Ju–bin kum 24 mi chu kum 40 chhung tang turin hremna a pe tih Yonhap news chuan a tarlang.

Misual hruaitu lu Cho Ju–bin kum 24 a upa hian online lamah hmeichhiate bumin nawhchi a zawrh luihtira, an video leh thlalakte hmangin he thangah hian a tal awhtir zui tih hriat a ni. Thuneitute sawi danin hmeichhia 74 zet chu mahni duhdana khawsa thei lo leh tihluihna hmangin sumdawn nan nawhchi a zawrh luihtir ta a ni.

He thil hi May 2019 – March 2020 inkara thil thleng niin, an thil tih chuan sawrkar beng thlengin pawikhawihtute hi an man zui ta a ni. November 26, 2020 ah Cho chu a chungthu rel a nih hnuah Seoul Central District Court chuan an thutlukna puangin kum 40 chhung chu tan inah hun a hmang dawn tih an puang a ni.

He thutluknaah hian Cho leh a lawyer ngei pawhin sawi tur an van hle a, Cho phei chuan a hmeichhe tihduhdahte hnenah ngaihdam dil a duh niin Yonhap chuan a tarlang bawk.

Leave A Reply

Your email address will not be published.

This site uses Akismet to reduce spam. Learn how your comment data is processed.

error: Content is protected !!