Your Daily News

Hmeichhe Zirlai Naupang Kum 13 Miin A Nuhrawn Kum 20 A Upa A Ngaihzawn Ruk Avangin A Pa A Vithlum!

0 765

Brazil Police-te sawidanin hmeichhe zirlai naupang kum 13 mi chuan, a pa nupui (a nuhrawn) kum 20 a upa chu a ngaizawng ru tih tarlangin, a pa nunna a la zui tih an sawi. He hmeichhe naupang hian a nuhrawn chu a pa nupui mah nise a thikru tlat tih an sawi a, choka a an chawhmeh chante chemte hmangin a âwm-ah a vit a, rei vaklo hnuah a boral zui tih an sawi.

He tualthahna rapthlak tak hi Chawlhni liam ta a thleng niin hmeichhe naupang hian a pa a vihhlum dawn hian huaisenna a neih theih nan beer a in nghek a, a pite in atangin a pa leh a nuhrawn chenna in a pan tih an sawi.

A pa Alex Ferreira kum 33 mi leh a nupui Maely Hellen Carvalho kum 20 mite chu an fanu text messge avangin he thil thlen hma zan hian an lo inhnialbuai tawh tih hriat ani. Text message ah hian naupang kum 13 mi chuan a nuhrawn chu a hmangaih a ni tih ziak langin, a pa Alex chu then mai turin a ngen a, a then a nih chuan amah nen an khawsa dun thei dawn a ni tiin thu a thawn tih Police-te chuan an sawi.

Beer a ruih hnuah a chenna, a pi in atanga hla vaklo a pa leh a nuhrawn chenna hmunah kalin a nuhrawn hnenah a pa hmuh a duhthu leh a pa nen inremna neih a duh tih a hrilh a, a nuin bedroom-ah a pa a mut thu chu hrilhin chemte a lo ahruk hmangin khumah a pa mu lai chu a vitzui ta a ni.

A pa Alex chu Dr. Serafim de Carvalho Hospital lamah tlanpui nghal niin, he hmunah hian a hliam tuar loin a boral zui ta a ni. Tualthattu hmeichhe naupang hi a tlanchhe nghal a, a pi nen an chenna in piah maiah a lo thu ngawi reng tih an sawi.

Police-ten zawhna an zawh laiin a nuhrawn chu a hmangaih tih a inpuang nghal a, a pa chu a thik tlat tih a sawi. An thenawmte pawhin hmeichhe naupang kum 13 mi chu a nuhrawn telloin a tlei thei thlawt lo tih an sawi ve bawk. A pa chuan a fanu khawsak dan chu a hriat avangin an in tlawh pawh tawh lo turin a lo hrilh ve bawk tih an sawi.

Tualchhung police station lamah thu an zawhfiah hnuin Juvenile Dentention Centre lamah dahluh a ni dawn tih thuneitute chuan an sawi.

Leave A Reply

Your email address will not be published.

This site uses Akismet to reduce spam. Learn how your comment data is processed.

error: Content is protected !!