HMEICHHE TLEIRAWL ROOM A KALH KHUMA CHAW NGHEI A DAH HLUMTUTE CHU DAM CHHUNG TANG TURA THIAM LOH CHANTIR AN NI TA

HMEICHHE TLEIRAWL ROOM A KALH KHUMA CHAW NGHEI A DAH HLUMTUTE CHU DAM CHHUNG TANG TURA THIAM LOH CHANTIR AN NI TA

Iowa, USA a hmeichhe tleirawl Sabrina Ray kum 16 chu amah fa atana la tu ten nikum May thla khan  room ah kalh khumin chaw ngheiin an dah hlum a ni.

Sabrina Ray fa atana la tu a nu leh pa Misty Jo Bousman Ray kum 41,  Marc Ray kum 43 leh a unaute pahnih chu nikum May ni 12 Sabrina ruang hmuh anih khan an man nghal a ni.

Sabrina hi a hminga fa atan lak nimahse a takah erawh sal atan a ni zawk mah awm e, rim taka chhawr a ni a, tih duhdah a ni bawk. Sabrina ruang hmuh anih hian Sabrina chu a cher hle a, a ruh chu a vun chauhin a tum ni mai ang leh a tlangpuia hmeichhe naupang kum 7 mi rih zat pound 56 chauha rit anih thu  the Des Moines Registerchuan a sawi.

Misty Jo Bousman Ray chu first-degree kidnapping leh third- degree kidnapping hmanga thiam loh chantir a ni,  dam chhung tang tur leh parole theih lohin court chuan a chungthu a rel a ni. Judge Terry Rickers chuan Mr. Ray’a te nupa chu an thiam loh dan a inang ve ve tiin a nupui pawh dam chhung tang ve turin court chuan thu a ti tlu.  

Sabrina thihnaah hian a nu leh pa bakah midang inhnamhnawh an awm ve a, Sabrina unaupa Justin Ray, kum 22 chu kum  10 tang tura man a ni. Sabrina pi Carla Bousman kum 63 chu kum 20 tang tura man a ni bawk.

Sabrina cousin Josie Raye Bousman kum 21 pawh en zui mek a ni. Sabrina ang tho a fa atan an lak pathum te chu an chhungkaw thar tur hnenah him taka hruai an ni tawh bawk.