Your Daily News

HMEICHHE TLEIRAWL PAKHAT CHU NUNG CHUNGA PHUM HLUM A NI

0 1,290

Tleirawl Agustina Imvinkelried kum 17 bo an zawn ruang chu hmuh a ni ta. Agustina ruang atanga a lan dan chuan a hmaiah pawh hliam hmuh a ni a, chu vang chuan a nung chunga an phum hma hian kutthlak a tuar ngei a rin a ni.

Agustina bo zan hian city of Esperanza, north-eastern Argentine province of Santa Fe, a nightclub pakhatah an kal a ni.

Thu dawn dan chuan Agustina hi mipa kum 39 vel bawr car chhungah a chuang lut niin an sawi. Police te chuan chu mipa chu an zawng chhuak a, a in luahna hmun an va thlen chuan mipa pawh chu a lo inawk hlum a ni.

Ruang an hmuh hian Agustin chuan silhfen a inbel mumal lo a ni. Mahse autopsy result atanga a lan dan chuan Agustin’i chu pawngsual a ni lo bawk. Mahse a chuapah vut an hmuh avangin hreawm taka a nung chunga phum ani tih hriat theih a ni.

Mahse an phum hma hian Agustin chu pawngsual an tum ngei a, mahse nasa taka a tan ve avang hian a hmai velah hliam nasa tak a tuar bawk a ni.

Rinhlelh ber pawh a inawhhlum tawh avangin tunge pawikhawihtu ber chu ni ta ang le. Police te pawh an lu a hai hle. Mipui leh Agustin chhungte chuan pawikhawihtu hi zawn chhuah ngei nise tiin kawng an zawh a, zawng chhuak turin thuneitute chu an nawr nasa hle bawk.

Leave A Reply

Your email address will not be published.

This site uses Akismet to reduce spam. Learn how your comment data is processed.

error: Content is protected !!