Your Daily News

HMEICHHE NAUPANG KUM 5 MI CHU A PA LEH A NUHRAWN’IN AN SAWISA HLUM

0 849

Hongkong’a hmeichhe naupang kum 5 mi chu a nuhrawn leh a pa’in rawng takin an sawisa hlum tih chanelnews asian chuan a puang.

January ni 8 khan naupang hi a hliam nat em avangin nikhaw hre lo a a awm avanginTuen Mun Hospital panpui ani a, a hliam thar hi 10 centimeter zeta lian anih bakah hlim hlui pawh a nei bawk a ni. Naupang hi a hliam tuar loin hospital ah hian a boral nghal a ni.
Naute pa kum 26 hi transportation lama hna thawk ani a, a nu hrawn erawh hna thawk loin in ah a awm thin a ni. Naupang hian pianpui mipa kum 8 mi a nei a, chuan a nuhrawn fanu kum 7 mi te nen hian in khatah an cheng ho a ni.

A pianpui a u mipa kum 8 mi, pawh hian hlim a neih hmuh chhuah a ni bawk. Chumai bakah ei leh in a tlakchham avangin kg 18 leka rit a ni. Tunah chuan Hospital ah tha taka enkawlna a dawng mek a ni.

Thu dawndanin hemite nupa hian an fate chu bakcheh leh chhawrtiang hmangin an sawisa thin niin an sawi bawk. Police te chuan hemite nupa hi an man tawh a an chungthu ngaihtuah mek a ni.

Leave A Reply

Your email address will not be published.

This site uses Akismet to reduce spam. Learn how your comment data is processed.

error: Content is protected !!