Thailand rama hmeichhe naupang pakhat kum 15 mi chu tihluihna hmanga inzawrh tir thin a ni. He case a inhnamhnawih mi 14 zingah 10 chu thailand police-te chuann an man thawh thu bangkok post chuan a sawi.
He hmeichhe naupang pahrawn hi damdawi ngawlvei a ni a, a nu hi khawdangah hnathawkin a awm bo a ni. An harsat avangin a pahrawn fanu kum 20 mi chuan, a nau a nuhrawn fanu kum 15 mi chu a inzawrh luih tir thin a ni. A u in a tirh ang a, a inzawrh duh loh chuan nasa takin a pahrawn leh a pahrawn fanu chuan kut an thlak thin bawk.
Thla sarih hnuah chuan naupang hian a pahrawn leh a u tihduhdahna chu a tuar thei ta lo a, a nu hnenah a pahrawn-te pafa-in kut an thlak thin thu leh mipa hnenah an hralh thin thu chu a hrilh ta a ni. A nu hian a fanu chanchin a hriat chuan a rangthei ang berin hmeichhia-te leh naupangte chanvo humhalhtu pawl hnenah a report nghal a ni. Tunah chuan he thila inhnamhnawih 14 zinga 10 chu Police ten an man tawh a, midang pa 4 te pawh man ngei an tum thu an sawi.