Your Daily News

Hmeichhe Naupang Kum 13 Mi Chu A Kum Rualpui Naupangte Enkawltu Tur Atan A Aia Upa Kum 48 Mi Nen An Innei

0 435

Hmeichhe naupang pakhat kum 13 mi chu a kum let 4 thawka upa pa pakhat kum 48 mi nen neihluihtir an ni. He inneihna mak tak mai hi Philippines rama thleng niin hmeichhe naupang chuan a pate kum rual kum 48 mi Abdulrzak Ampatuan chu nawrhluihnain pasal atan a nei tih hriat a ni.

A hmain Abdulrzak Ampatuan hian nupui 4 a lo nei tawh nghe nghe a, tuna a nupui (hming tarloh, hmeichhe naupang kum 13 mi) hi a nupui 5 na tur a nih thu an sawi. A nupui kum 13 mi chuan a kum ang rual vel a fate enkawlna hna chu a thawk tan dawn bawk.

Hmeichhe naupang kum 13 mi leh Abdulrzak Ampatuan-te hi October 22, 2020 khan Mamasapano ah an innei a, hmeichhe naupang chu mo kawr hain an kiangah anmahni lawmpuitu mipui pawh an thahnem ang reng hle.

Abdulrzak kum 48 mi hi loneia ei zawng mi niin, lo lama a hnathawh hlanin inchhung lam leh a fate enkawltu tur a neih loh avangin he hmeichhe naupang nen hian an inneihtir tih an sawi. An chenna tur in thar pawh a sa tih an sawi.

“He hmeichhia ka tawng ta chu ka hlimin ka fate enkawl tur leh ka nitin hun amah nena hmandun chu thil hlimawm tak ani.” tiin a sawi nghe nghe.

Abdulrzak chuan a nupui kum 13 mi chu fa neih a hun hma zawng lehkha a zir dawn tih sawiin a zirna senso pawh a tum vek dawn a ni a ti bawk.

United Nations chuan kum 18 tlin hmaa nupui/ pasal neih chu a khap bura, kum 18 an tling ngei tur a ni tih chu an dinna a la ni reng a ni.

UNICEF tarlan danah chuan naupan teta nupui/ pasal inneih tamna ramte zingah Philippines chu a 12th-na a ni mek tih a tarlang. (Daily Star)

Leave A Reply

Your email address will not be published.

This site uses Akismet to reduce spam. Learn how your comment data is processed.

error: Content is protected !!