Your Daily News

Hmeichhe Naupang Kum 12 Miin Rawlthar Kum 15 Laka A Naupai A Hring

0 1,193

Mexico, Tecamac-ah hmeichhe naupang kum 12 a upa chuan, a bialpa rawlthar kum 15 mi lakah thla 8 chhung fa a pai hnuin, naute duhawm tak a hring tih report-na chuan a tarlang. He chanchin mak danglam tak hi Local Mayor Mariela Gutierrez Escalante chuan social media kaltlangin a tarlang tih hriat a ni.

Naute hi Hospital de las Americas ah thla kim loin a piang a, naute pian hnu hian naute nu leh pa chuan an chhungte ve ve kalsanin, chhungkaw thar din an tum tih MexicoNewsDaily chuan a tarlang. Naute hi mipa a nia, 3kg leh 200grams a rit a ni.

Naute nu kum 12 mi sawidanin, hun harsa an tawh lai pawhin thlahthlam an ni ngai lo tih a sawi a, naute pa nen hmun khata khawsa dun turin thu tlukna an siam tih a sawilang bawk. An chhungte nen pawh an inbiak pawh reng thu a sawi a ni.

Tualchhung Mayor sawidanin naute leh a nute chuan thlatin 2500 pesos an dawn dawn bakah damdawi lam inenkawlna a thlawnin an dawng dawn tih a tarlang bawk. Tanpuina sum leh inenkawlna an dawnte hi a vaia belhkhawm chuan thlakhatah £93.33 a tling pha a ni.

Leave A Reply

Your email address will not be published.

This site uses Akismet to reduce spam. Learn how your comment data is processed.

error: Content is protected !!