Thailand, Kalasin Province, Sahatsakhan district ah putar pakhat chuan a tunu ngei, hmeichhe naupang kum 11 mi chu a pawngsual tih hriat ani. Tianga vawi engemaw zat a mutpui hnu chuan hmeichhe naupang lainatawm tak chu a rai zui niin The Nation Thailand chuan a tarlang.
Vanduaithlak takin Zirtawpni liam ta atang khan naupai mek hmeichhe naupang dinhmun chu a thalo hle a, a luak nasat bakah a khua a sik tel bawk niin a nu kum 33 mi chuan a sawi. Damdawi an pek pawhin a luak chhuak zel bawk si a, a dinhmun chu chhe chho zelin a boral zui ta a ni.
Thihna tuartu hmeichhe naupang nu leh pate hi kum 5 liam ta ah khan an inthen tawh a, a nu chuan a fanu chu a puin a pawngsual thin tih a hriatchhuah hnu, December thla liam ta khan doctor hnenah a hruai tih a sawi.
Doctor in a endik hnuah hmeichhe naupang naupai dan chu a felhlel niin a sawi a, damdawi chawhin in lamah an haw leh ta a ni. Enkawlna an pek mek laiin, Zirtawpni liam ta khan a khur vaka, a nuin hmangaih taka a kuangkuah laiin a boral zui ta a ni.
Hmeichhe naupang chunga thil thleng hi police-ten chhuizui nghalin, tualchhung Court lamah pawngsualtu man theihna tur thil pawimawhte an buaipui nghal niin an sawi.
