Your Daily News

HMEICHHE NAUPANG KUM 10 MI CHUAN A UNAUPA PIANGSUAL, PUAIN NITIN SCHOOL A KALPUI THIN

0 892

Hmeichhe naupang Susmita Baram kum 10 chuan a unaupa piangsual ke tha lo chuan lehkha a zir ve theih nan nitin paw chungin school ah a hruai thin a ni.

Laxman kum 12 hi ke piangsualin a rawn pianga Shree Madane Danda Secondary School (SMDSS) ah pawl thum a zir ve mek a ni, a nau susmita-i hian pawl hnih a zir mek bawk. Hmeichhe naupang fel tak hian a unaupa chu school thlenga a puak mai bakah school a zunram inthiar aduh hunah pawh  engkim a buaipui thin a ni.

Susmita hian school infiamna te pawh naupang dangangin a unaupa chu a enpui thin a, school a chhun chaw an ei dawn pawhin a buai pui vek tjhin a ni. Laxman hi amah chauh chuan class room chhunga thutna tih sawn a tul chang hian a ti sawn thei thin lo a, mahse a zirpui naupang dang ten hreh loin an pui thin bawk.

Ka tar tawh em avangin school thlenga Laxman-a paw tur chuan ka chakna in a tlin tawh lo a, chuvang chuan Dam lohna avanga Susmita-in school a chawlh chuan laxman pawh school a chawlh a ngai thin a ni, tiin a pi Manmaya Baram chuan a sawi.

Laxman leh susmita te unau hi an nu hian mipa dang hnung zuiin a chhuahsan a, tichuan laxman te unau chu a pi, tar tawh takin a enkawl a ni. Susmita kum 10 mi chuan school kawng bumboh leh che tak kara a unaupa school thlenga a paw thin chu an school SMDSS principal Rudra Prasad Upreti chuan a hmuh chang a pianga a hnuk a ulh thin thu a sawi.

 

Leave A Reply

Your email address will not be published.

This site uses Akismet to reduce spam. Learn how your comment data is processed.

error: Content is protected !!