Your Daily News

Hmeichhe Naupai Rekhluma A Fa Chemtea Zaichhuahsaktu US Hmeichhia Chu Thi Tura Hremna Pek A Ni Ve Leh Ta!

0 543

Hmeichhe naupai thata, a naute zaichhuaka ru zuitu US nu pakhat chu thi tura a chungthu rel a ni ve leh ta! He thu hi US, Justice Department chuan Zirtawpni khan puangin, kum 70 hnuah hmeichhe tihhlum tura a chungthu rel hmasakber a ni.

December 2004 kum khan Lisa Montgomery chuan hmeichhe naupai Bobbie Joe Stinnett chu a nghawngah rekhlumin a pum chhunga naute chu chemtein a zaichhuaka, a fa angin a enkawl zui tih hriat a ni.

A chungchang hun rei tak chhung ngaihtuah a nih hnuin Lisa Montgomery chu a thil tih rapthlak tak avang hian December 8 khian US Penitentiary Terre Haute Indiana-ah chiuhlum turin Department of Justice chuan thu a titlu ta a ni.

2007, October thla khan Lisa hi thubuai siamsak niin thuneitute hnenah pawh hmeichhe naupai Bobbie Joe Stinnett chu a thah ngei a nih thu a inpuang zui tih hriat a nia, a fasen pawh a la ngei tih a sawi lang bawk.

US sawrkarin hmeichhia an tihhlum hnuhnung ber chu Bonnie Heady niin 1753 kum khan gas chamber ah daha tihhlum a nih thu Death Penalty Information Center chuan a tarlang.

Leave A Reply

Your email address will not be published.

This site uses Akismet to reduce spam. Learn how your comment data is processed.

WP2Social Auto Publish Powered By : XYZScripts.com
error: Content is protected !!