Your Daily News

Hmeichhe Kekawrte 730 Chuang Zet A Ru Tih An Hriatchhuah Hnuah Police-ten An Man

0 840

Tunlai khawvela thil thleng te zingah chuan a mak ber pawl a ni mai awm mang e! Japan pa kum 56 mi chuan thawmhnaw sukna hmun hrang hrang atangin hmeichhe kekawrte 730 chuang zet a rukchhuah hnuah Police ten an man tih hriat a ni.

Southern Japanese khawpui Beppu a khawsa Tetsua Urata kum 56 mi chu kar liam ta mai khan a chenna inah hmeichhe kekawrte 700 chuang zet tlingkhawm hmuh a nih hnuin Police ten an man tih Abema TV chuan a tarlang a ni.

Hmeichhe kum 21 a upa, College zirlai chuan August ni 24 khan a kekawrte 6 lai mai chu a thawmhnaw suk phorona hmun atangin a bo tih a sawia, he thil hi Police ten chhui zui nghalin Tetsua Urata kum 56 a upa chu an man theih phah ta a ni.

Beppu Police Officer kaihhruaina hnuaiah Urata chenna in chu an dap zuia, hmeichhe kekawrte hlir 730 chuang an hmuchhuak ta a ni. Police ten heng an kekawrte man te hi an dah that thu leh thil awmdan chipchiar zawkin an chhui zui mek tih an sawi a ni.

Police ten an man hnuah, hmeichhe kekawrte te chu a ruk ngei a nih thu Urata chuan a inpuang zui ve bawk a ni.

Leave A Reply

Your email address will not be published.

This site uses Akismet to reduce spam. Learn how your comment data is processed.

error: Content is protected !!