Your Daily News

Hmangaihna Avanga A Nunna Hlauhthawmawmah Daha Pakistan Ram Tân In Thimah Kum 4 Zet Hun A Hmanral Hnuah India Ramah A Lo Kir Leh Ta!

0 839

I hmangaihber tan eng chena thui nge i kal ve chiah le? Hmangaihna chuan ramri a kham lo an lo tih thin hi a tak ngeia tawngtute tan chuan hnialrual loha thudik awmsa a ni.

2017 kum khan IT professional Prashanth Vadinam chuan a hmangaih ber a bialnu tan a nunna hlauhawmthawnawnawmah dahin phalna lehkha pawimawh tel hauh loin Pakistan-ah a lut tih an sawi. Prashanth Vadiman hi Telangana a piang niin, Switzerland kaltlangin Pakistan-ah a bialnu hmuh a tum a ni.

Prashanth chu a bialnu hmuh a hnekin Pakistan ram police-te a tawngbaw hlauh maia, dankalha mi rama a luh avangin thubuai siamsak anih hnuah jail-ah an thawn ta nghal a ni.

Telangana sawrkar leh a chhungte chuan India rama a lo kir leh theih nan theih tawp an chhuaha, Pakistan sawrkar chuan a jail term tih tawpsakin Prashanth Vadima chu kum 4 hnuah India ramah a lo kir leh ta a ni.

Prashanth chuan bialnu avanga Pakistan tân in thimah kum 4 zet a hun a hmanral hnuah nimin khan Attari border-ah Pakistan thuneitute chuan Indian Immigration Authorities kutah an hlan ta a ni.

Cyberabad Commissioner VC Sajjanar-a’n PTI a hrilh danin, a bialnu avanga kum 4 ngawt mi rama hun hmangral Prashanth Vadiman chu vawiinah Hyderabad-ah a chhungte bulah him takin an hruaithleng tih a sawi a ni.

Leave A Reply

Your email address will not be published.

This site uses Akismet to reduce spam. Learn how your comment data is processed.

error: Content is protected !!