Your Daily News

Hmaihupna (Face Mask) Atan Rul Lian Zet A Hmang Hlauh Thung

0 364

Coronavirus do nan hmaihupna (face mask) vuah chu khawvel hmun hrang hrangah tihmakmawh a ni. Hemi kawngah hian face mask maksak tak tak leh fiamthuna ang zawnga nuihzathlak tak taka face mask hmangte pawh tam tak hriat tur an awm awm e.

Greater Manchester hmuna khualzin pa pakhat chu Bus a chuan mek laiin face mask danglam zet a hmang tih hriat a nia, chu a face mask hman chu a rul khawi lian zet a ni daih thung. Engtin nge he rul lian tak mai hi mask-ah a hman theih le tia i zawh nawn chhen ai chuan a hnuai lama video hi en la a fiah mah zawk in a rinawm.

LadBible in a tarlan danin he bus passenger, a hming tarlan loh hi Salford, Swinton atangin Bus a chuang luta Manchester City centre lam pan tur a nih thu a tarlang a ni.

Tianga Rula a hmai tuam bur chunga Bus chhunga a thu lai hmutute chuan an hlauhthawngin mak an ti bang lo tih an sawi a ni. Rul kher mask atana a hmanna chhan pawh social distancing lam chu kaa sawi vak ngailoin miten an hnaih ngam lutuk dawn lo nia a rin vang a nih theih thu an tarlang bawk.

Bus passenger che maksak takina rul a hmaia a zemkual ruah lai lo hmutu, bus-a chuang ve pa pakhat sawidanin a rul lian tak mai mask atana han hman ngawt mai chu a makin a hlimawm phian a ti ve bawk. (VIDEO)

Leave A Reply

Your email address will not be published.

This site uses Akismet to reduce spam. Learn how your comment data is processed.

WP2Social Auto Publish Powered By : XYZScripts.com
error: Content is protected !!