Your Daily News

High Court-in Pakistan PM hriattirna pe (head)

0 200

Pakistan-a Lahore High Court chuan an ram Prime Minister Shahid Khaqan Abbasi chu Sialkot-a thu a sawinaah, court sawichhe zawnga thusawia puh a nih chungchangah insawifiah turin hriattirna a pe.

High Court chuan hriattirna hi Pakistan sorkar bakah Pakistan Electronic Media Regulatory Authority (Pemra) hnenah a pe bawk a ni.

PM Abbasi hian Supreme Court-in Panama Paper leak chungchang thubuaiah thutlukna a siam chu sawiselin, thu awmze nei lo niin a sawi. Hei vang hian advocate Azhar Siddiqi chuan Lahore High Court-ah petition thehlutin, PM chu court zah lo leh sawichhiaah a puh a ni.

Petiton thehlutte hian PM hian a thusawi dan aṭang hian court thutlukna siam dan chu inhnialna awm thei anga chhuahtir a tum a ni, a ti. Prime Minister aṭanga paihthlak tawh, Nawaz Sharif leh a fanu Mayram-te pawhin Surpeme Court leh judge-te chu an thusawinaah ualau takin an lo sawifel tawh a, court rorel dan dodal tura mipuite rilru hruaikawi an tum a ni, a ti.

Court chuan PM Abbasi leh a kaihruai chu an puhna chhanna hi pe turin a hriattir a, vawiinah hemi chungchang hi ngaihtuah a ni ang.

 

credit, vanglaini

Leave A Reply

Your email address will not be published.

This site uses Akismet to reduce spam. Learn how your comment data is processed.

WP Facebook Auto Publish Powered By : XYZScripts.com