He Tleirawl Hian Mobile Games Khelh Nan A Nu Pawisa Khawl Rs.52 Lakhs Thla 4 Chhungin A Hmangral
Thla 4 chhung lekin tleirawl pakhat chuan an chhungkaw sum dahkhawl India pawisaa Rs.52 Lakhs zet online mobiles games khelh nan a hmangral tih hriat a ni.
Central China, Henan Province a cheng tleirawl pakhat secondary zirlai chuan a smartphone-ah online-in mobile games a khel thin a, a games khelh chu a bansan thei mai lova, an zirtirtute beng hial a thleng ta a ni.
Sikula a phone khawihdan leh a hun hmandan atang chuan zirtirtu chuan he tleirawl hi online games khel thinah a ringhlel ta tlat mai a, thil awmdan an han chhui zui meuh chuan a nu pawisa tam tham tak a lo hmangral tawh tih an hre chhuak ta a ni.
Elephant News-in a tarlan danin, tleirawl nu Wang chuan a fanu games khelhdan zawng zawng a hriat chhuah meuh chuan, a bank account-ah US$0.o7 bak a awm tawh lo tih a hmuchhuak ta a ni.
Thuneituten an chhuichianna atanga a landanin, he tleirawl hian a nu account ami pawisa chu a lehkha zirpui mi 10 te a lo tawm ve bawk a, games khelh nan a thianten an ngen angin sum a lo pe thin hlawm tih an sawi.
2022 a McGill University in mobile games addiction chungchang an zirchiannaah, China ramah addict an tam ber a, Saudi Arabia-in dawtin Malaysia chu a 3 na a ni bawk. Mizoramah ngei pawh mobiles games atchilh kan pung chho mek zel a ni.
