Your Daily News

He Rawlthar Hian A Bialnu Hming A Bânah A Chhukai Zeta, Kar 1 Hnuah A Bialnuin A Bân Leh Nghal

0 342

Rawl lai hun tih takah he rawlthar pawh hian hmangaihna a la na ve viau turah ngai ila. A ni taka tleirawl lai hunah chuan tute pawhin hmangaihna kan la na a, bialnu/ bialpate nena kan inhmangaihna chu kumhlun tura ngaih a awl hle mai.

Mi tam zawk chuan high school luh hun laite kha kan la hrerengin a rinawm. A ruka inmelh, lehkha inthawn kual leh mawlmang tak tak hun kan hman thin laite kha mithlaah a lo lang leh thin. Bialnu neih tantirh lai chuan kan vei bur maia, hmeichhiate pawh an bang bik awm love. Tiang khawpa invei tawn si kha kan inhmangaihna erawh a la puitling lova, a mit a keu ve tan chauh a lo ni zawk. Inthen pawh kan awlsama, in ngaihzawn pawh kan awlsam tho bawk. He vietnamese rawlthar pawh hian hmangaihna kawng chhuk chho a zawh ve tan a ang hle mai.

YAN News in a tarlan danin rawlthar leh hmeichhe tleirawl kum 16 mite chu hun reivaklo atang khan an in date ve a, an inhmangaihna leh an inkar thuruk chu kumhlun turah ngaiin englai maha an inthen leh an ring pha hauh lo tih a tarlang.

An inkar hmangaihna chuan ‘Chatuan’ a daih a ni tih lantir nan a mipa zawk chuan a banah tattoo hmanga a bialnu hming lamrik a tum ta ngat a ni. Thutlukna an lo siam tawh angin a bialnu hming leh a bialnu nen an intawn ni leh thla leh kum chu a banah a chhu kai ta uarh mai a ni.

Tattoo artist hnenah kalin a bialnu hming a chhutkai dawn lai chuan artist pawhin tilo turin a lo hrilh ve nghe nghe. Mahse, hmangaihna ah a khat liam em avang chuan khap beh theih a ni ta hauh lo. A banah a bialnu hming leh an intawn hun nemkai chu a bialnu nen an thutlukna a nih avangin a chhukai ta nghe nghe a ni.

Mahse, kar 1 a liam awrh tihah tattoo artist hnenah bawk a va kal leha, a bialnu nen an inthen thu sawiin, a tattoo chu thaibo a duh thu a hrilh ta a ni. A bialnu nen an inthen avanga thinlung hliama a awm mek laiin a na belhchhah turin a tattoo thaibo a tul leh bawk.

Netizen tam tak chuan “He rawlthar hian hringnun hi enge ni tih a la hmelhriat lo a nih hi” an lo ti ve bawk. (WOB)

Leave A Reply

Your email address will not be published.

This site uses Akismet to reduce spam. Learn how your comment data is processed.

error: Content is protected !!