He Naupang Kum 2 Mi Hian Amah Chuktu Rul Hlauhawm Chu Lo Beiletin, A Hahmai Hriam Tak Hmangin A Sehhlum

Naupangte hian theihna ril tak mai an nei ve a, a bikin an chunga harsatna leh hlauhawm lo thleng tur laka invendan an thiam ve tlat hi mak tak a ni.

Mak tak maiin Turkey, Bingol a cheng naupang kum 2 mi chuan a ha hmai hriam tak hmangin rul a sehhlum tih an sawi. An sawidanin, he naupang hi an chenna in huanah amahin a infiam a, hetih lai hian rul chuan rawn pan hnaiin, a chuk ta mai a, rang takin a lo bei let ve a, amah chuktu rul hlauhawm tak mai chu a tihlum der mai a ni.

Thenawm te chuan naupang kum 2 mi S.E. tia koh infiamna huanah chuan rul 20inch. a sei thi sain an hmuh thu an sawi a, an han zirchiang a, he naupang hian rul chu a lo sehhlum tih an hrechhuak ta a ni.

Hmeichhe naupang pa Mehmet Ercan chu a fanu huana a lo tlat fal lai hian hna a thawk a, an pathian Allah in an fanu chu a veng him a ni tiin, a lawmzia a sawichhuak nghe nghe.

Bingol Maternity Children’s Hospital-ah naupang hi First Aid pek a ni a, a dinhmun pawh a tha niin a nu leh pate chuan an sawi.