Your Daily News

He Hmeichhia Hian Vawikhatah Fa 10 Hringin A Hmaa Fa 9 Hring Tawh Chu Khumin Record Thar A Siam

0 646

South African nu pakhat chuan vawikhatah fa 10 a hrinthu sawiin, thla hmasa mai a record awm tawhsa chu a khum ta a ni.

Gosiame Thamara Sithole kum 37 mi chu nau a pai laiin naute 8 hring turah a inngaia mahse, mak tak maiin Thawhtanni khan Pretoria Hospital-ah Caesarean section hmanga fa neiin naute 10 a hring chhuak ta a ni. A pasal Teboho Tsotetsi chuan a nupui in naute a ruala 10 a hring ta mai chu mak a tih thu Pretoria News a hrilh nghe nghe.

Naute te hi mipa 7 leh hmeichhe 3 an nih thu a pasal Teboho Tsotetsi chuan news a hrilh a, a nupui hian thla 7 leh ni 7 chhung nau a pai a ni. Pa ber chuan a nupui in naute 10 zet a ruala a hrin avanga a lawmthu a sawia, a thinlunga lawmna awm chu sawifiah thiam har a tih thu a tarlang bawk.

A hmain Halima Cisse chuan fa 9 a lo hring tawh a, a record dinglai chu he South African nu Sithole hian fa 10 a hrin hnuah a khum ta a ni.

Guinness World Record thuneitute chuan Gosiame Thamara Sithole in vawkhatah fa 10 a hrin thu chu an hriatpui tih tarlangin, naute neitu chhungkua pawh an lawmpui tak zet tih an record listing Spokesperson chuan Thawhlehni khan The Post a hrilh a ni.

Leave A Reply

Your email address will not be published.

This site uses Akismet to reduce spam. Learn how your comment data is processed.

error: Content is protected !!