He Hmeichhe duhawm Tak Hi Khawlai Thilzuarin Kum 20 Chhung zet A Zuia, A Pa A Boral Hnuah A Chhan A hriatchhuah Meuh Chuan A Zawng Ta Ruaia….
He Hmeichhe duhawm Tak Hi Khawlai Thilzuarin Kum 20 Chhung zet A Zuia, A Pa A Boral Hnuah A Chhan A hriatchhuah Meuh Chuan A Zawng Ta Ruaia….
Hmeichhe naupang kum 8 mi Yu Miao hi naupang duhawm tak mai a ni a, naupang dangte angin Elementary Sikul ah nitin a kal ve lauh lauh thin a ni. Nikhat chu sikul luhkaa a din reng laiin khawlaia thilzuara vakkual thin putar pakhat chuan nawrlirh hmangin pancakes a hralh a, a mit a la ngang mai!
Pancakes rim na tak mai chuan a khapbet zo ngang lo a ni ber, putar chu a va hnaih ngat a, “Vawiinah he pancakes hi i hralh dawn em?” tiin a zawt zui a. Thilzuartu chuan hmeichhe naupangte a hmuh chuan a tim deuh a , a thlantui far chu hrufaiin hlim takin a zawhna chu a lo chhang zui ta a ni. Putar chuan hmeichhe naupang hnenah Pancakes a duh leh duh loh a zawt a, naupang chuan sum a neih loh bakah a pain kawthlera ei tur an hralhte chu a thianghlim tawk loh avangin ei a phalloh thu chu putar a hrilh zui ve ta bawk a.
Chuveleh, putar chuan a kut silin naupang hnenah engmah bawlhhlawh a kai loh thu hrilhin, “Ka pancakes te hi a thianghlim tih ka tiam a che. I duh phawt chuan lo kal la lo ei ta che, a man pawh i pek a ngai lovang” tiin naupang te chu a lo thlamuan zui a. Hmeichhe naupang kum 8 mi Yu Miao chuan a pa thu sawi chu ngaihtuah zuiin, khawlaiah thil ei tur a thlawna hmuhna a awm bawk silova mak a ti ang reng hle! Naupang rilru tihhahdam nan Putar chuan “Lekha chhiar min zirtir la, pancakes ka pe ang che” tiin inremna an siam zui ta a ni.
Tiang hian hmeichhe naupang Yu Miao chu pancakes a thlawnin a pe ta fova!
kar lovah Yu Miao chu elemetary sikul atang chuan a zirchhuak thuai a, junior high sikul a rap chho ve ta a ni. Elementary a zawh hnu chuan pancakes siam thin putar nen chuan inhmuh leh pawh a beisei pha tawh bik hauh lo. Mahse, rin loh deuhin, a zirna tur sikul tharah chuan a nawrlirh nen a hmun leh ta thut mai a, mak a tiin rinhar pawh a ti ngei mai! Kum a lo liam zel a, Yu Miao chu kum 28 a nihin a zirna tha takin a zo a, pasal neiin fanau duhawm takte nen hlim takin hun a hmang zui ta a ni. A pasal neih ni ah pawh pancakes siam thin putar chu a sawm ve nghe nghe. Mahse, a hnaihchilh ngam ngailo thung1
Nikhat chu Yu Miao pa chu a na thut mai a, ICU a awm mek laiin a fanu hnenah thurochhiah neiin, thuziak a hnutchhiah zui a, a lo peihlosan ta a nih chuan a thih hnuah lehkha chu hawnga a chhunga thuziak chu chhiarchhuak turin a ngen zui ta a ni. Miao pa chu reivaklo hnuah a boral zui ta a. A pa sawi ang chuan lehkha chu a hawnga a chhunga thuziak chu a chhiar chhuak ta a…
“A hma khan ka hrilh lo che a, pawi ka ti hle mai. Kei hi i pa dik tak ka nilo, fa ka neih theih loh avangin kawtthler ah rethei takin ka chhar che a retheihna lak ata i zalen theih nan ka fa angin ka enkawl ta che a ni. I pa kiangah khan awm reng ta la, rethei takin hun i hmang dawn tih ka hria a, i tawrh ka phalloh avangin ka fa angin ka enkawl ta che a ni. I pa dik tak i zawng chhuak a nih pawhin min ngaidam hram ang che. I pa nen khan kan thuruk hi vawngdun tlat turin kan intiam a ni. I pa chu nawrlirh hmanga pancakes zuar thin a ni a, a zawn hmuh leh che pawh ka beisei lo” tiin a inziak a.
Yu Miao chuan lehkha a chhiarchhuah meuh chuan a biangah mittui a luang a, a pa boral ta khan hmangaih teh mahsela, a pa tak ang erawh chuan nunna leh hmangaihna a pe thei hauh lovang tih chu a thinlungin fiah takin a hmutlang si a! hmanhmawh takin a inkhalh chhuak a, hmanna a pancakes zuartu a tawhna hmun lam chu pan nghalin, a pa dik tak tar chak tawh lo leh derthawng tak mai chu a va hmu a, nghet taka pawmin “Ka pa, ka pa kahmngaih che” tiin in lamah a hawpui ta ani!!
