Your Daily News

Gospel Singer Chuai theilo Hmingte’an A Nakruh Bo A Zawng Hmu Ta, “Tiam tlat e” An Ti Dawn

0 4,905

Mizo Idol ațanga zoram mipui te hmelhriat lo nita leh Mizo mipa gospel singer zinga mite hriat hlawh tak mai Hmingte chhangte chuan a nakruhbo zawng hmuin 4th November 2020 khian tiam tlat e a tih pui dawn.

Hmingtea Nupui tur hi tu dang nilovin tlem lai deuh tawh a Hmingtea Relationship hailanna video kan tihchhuah tak a mi Zamtei Ralte ngei mai kha niin, Zamtei hi Aizawl Republic Vengthlang nula ani..

29th October khian rokhawlhna dang a awm anih loh chuan man leh mual in hlanna neih ani ang a, 4th November 2020 dar 2:00PM ah New Siaha ah Biak In hawng ngei maiin an innei dawn ani. New Siaha lama Inneihna an hman zawh hnuin eizawnna avangin Aizawl ah an rawn awm phei zui dawn ani.

Nupa hlim tak ni a, fanau maltluanchawi dun turin duhsakna sang ber kan hlan a, an tum hun leh ni ah tak tluang taka an inneih kan duhsak bawk e.

Hmingtea Chhangte hi Zaithiamte mahni hla sak tur in tum chawp thei tlem tê zing a mi niin, tun dinhmunah hian hla 40 chuang a phuah tawh a, chung zinga a hla țhenkhat te chu tih chhuah tawh niin, la tih chhuah leh mai tur pawh ala nei nual bawk, Hmingtea hian tun dinhmunah hian music video pawh 7 vel lai a lo ti chhuak ve tawh bawk ani.

Hmingtea hian a zaithiam avang hian Mizoram zaithiamten chawimawina(award) an dawn țhin langsar ber berte Vulmawi, Moonlight leh Lelte Award te chu a lo dawng kim vek tawh bawk ani.

MUSIC VIDEO THAR NEN

Hmingte Chhangte hian 20th October 2020 khan Siaha lam zaithiam Helly Zathang nen an duet na music video thar “HMANGAIHNA DIK” chu an rawn tichhuak a, he an hla thar hi gospel love song ang deuh niin, ngaihthlak leh en a manhla hle a, he an hla thu hian a rawn sawi tum ber chu ngaihzawng in zawn na kawng a Pathian zawn/rawn hmasak fo zawk a țul zia tih lam a kawk deuh ber awm e.

He music video ah hian model ah Miss Mizoram 2018 2nd Runner-up Sawmtei leh India ram aiawh pawha Cosplay-a lo kal zak zak tawh țhin Dominic Khiangte an rawnin lan dun a, video en pawh an ti manhla hle nghe nghe ani.

He hla lo ngaithlatute’n, he hla hmang hian ngaihzawng nei tur ten, zawn hmasak tur dik tak HMANGAIHNA LAL, pan hmasak nachang kan hriat țheuh theih nan duhsakna kan hlan a che u. -Hmingtea & Helly Zathang.

Ref: Mizo Milarte Official

Leave A Reply

Your email address will not be published.

This site uses Akismet to reduce spam. Learn how your comment data is processed.

error: Content is protected !!