Khawvel mihringte hi kan nun duhdan a inang lo thei khawp mai. Hleihluat tak taka che lah an tam. Nun hlei lutukte phei chu upaten a peng leh lam a bal an lo ti thin reng a. France rammi spider man tia an lo koh thin in sang tak taka lawn peih em em Roberta chu January 29 khan Philippine a in sang tak chungah a lawn leh pek a, an man ta a ni.
Kum 56 mi Roberta hian Philippinea in sang berte zinga pakhat GT international Tower ah kut chauhvin a lawn a, a lawn zawh chuan thuneituten an man nghal a ni. Mite office bang vakvel tam lai takin a lawn vel.
Meter 217 a sang, darthlalanga pin tlat in sangah chuan chhawng khat te tein a lawn vel a ni. A chhip a thlen hnuah chuan a rawn chhuk leh a, phalna lova lawn a nih avangin thuneitute chuan an man ta a ni. Mal chauhva khawvela in sang lawn tam ber chu Philippine sawrkar thuneituten a chungthu an rel sak dawn a ni.
source ‘mizzima’
