France President Emmanuel Macron chuan dawt thu, fake news thehdarh ṭhin venna tur dan siam tum a nih thu a sawi.
President Macron chuan inthlan vuakvetah social media-ah dawt thu thehdarh a hluar hle tih sawiin, hetianga thu dik tawk lo thehdarh ṭhinte hremna tur dan khauh tak hi siam a nih tur thu a sawi. Thu dik tawk lo thehdarh a nih ṭhin avang hian thutak leh dawt thu thliarhran a har phah ṭhin a, mipuiten democracy an rinna pawh a tihnghin phah a ni, a ti.
Macron chuan social media kaltlanga thu diklo thehdarh chu ram hrang hrangah, ṭawng hrang hrangin a darh a, politicial official, mimal, ram hruaitu leh journalist-te thlengin tihhmingchhiat tumin dawt thu thehdarh a ni fo tih a sawi.
Media te chu an news lakna puang zel tura khuahkhirhna khauh zawk siam tum a nih thu a sawi a, hei bakah hian man chawia news chhuahtir chungchangah sum sen theih zat chin pawh bithliah tum a nih thu a sawi bawk.
credit, vanglaini