Your Daily News

Footballer Ropui Boral Ta Diego Maradona Sana Manto Zet Chu Police-ten Assam-ah An Hmuchhuak!

0 1,564

Football Legend Diego Maradona Sana manto tak an rukbo chu Police-ten Assam-ah an hmuchhuak tih hriat a ni.

Engtin nge Maradona sana manto tak hian India ram, Assam daih a thlen theih tih chu zawhna lian tak a tling ngei ang le! Sana rutu hi Dubai atangin Sivasagar-ah a lo lut a, a ramah ngei Assam Police-te chuan an rek zui ta a ni.

He sana man to tak zawn hna thawk tur hian Assam Police leh Dubai Police te chu an tang kawp a, rukrutu a puh Wazid Hussein chu Assam-ah Inrinni liam ta khan an man zui ta a ni. Rukru Wazid chu a chungchang ngaihtuah a nih nghal tur thu Police te chuan an tarlang bawk. He Diego Maradona sana bo hmuhchhuah a nih thu hi Assam Chief Minister Himanta Biswas Sarma pawhin Twitter kaltlangin a tarlang ve bawk.

Wazid Hussein Sana ruk hi Hublot Watch Limited Edition a ni a, Dubai ah Maradona thil neihte an dahthat laia Security gaurd a tang Wazid chuan he sana hi ruchhuakin India ramah a luhpui ta a ni.

Director- General of Police in a tarlan danin, rukru Wazid Hussein chu Inrinni Zing Dar 4 vel khan Assam Police ten Sivasagar a a chenna inah an man zui ta a ni.

Leave A Reply

Your email address will not be published.

This site uses Akismet to reduce spam. Learn how your comment data is processed.

error: Content is protected !!