Your Daily News

Followers Ngah A Duh Avanga A Tik Tok Video Lama A Thil Tih Dan Chu A Mak Tak Zet

0 1,167

Tik Tok star hmeichhe pakhat chuan followers a ngah theih nan leh mi ngaihsan nih a tum luatna lamah a pasal Adil Rajput chu car-a chesuala thi angin dawt video a ti chhuak tih hriat a ni.

Tianga a pasal duhtak thi anga thuthang an hriat hnu chuan a fans-te chuan, a pasal (Adil) sun tur leh zahna lantir turin an in lamah an pungkhawm ta nghala, an chenna in an thlen chuan a lo dam reng tih an hre ta a ni. Hemi ni la la hian video dang tichhuak lehin a pasal chu dam thu a tarlang leh tih an sawi.

September 15, 2020 khan influencer lar Rahim Yar Khan, Pakistan lam chhuak Adil Rajput chu a nupui in car ah chesuala thi angin a Tik Tok video-ah a post a, a followers 2.6 million-te hmuh theih turin a pasal thih thu, thu dengkhawng tak chu a puang chhuaka, a video ah hian a tap nghe nghe a ni.

A video ah hian call a dawng tih sawiin a pasal, Adil chu car chesuala thi zingah a tel ve niin a sawia, “Adil a awm ta lo” tiin lungchhe takin a sawi chhuak ta a ni.

Geo TV in a tarlan danin Anil thih thu a nupuiin a Tik Tok video lama a puan chhuah hnu chuan amah ngaisangtu mi thahnem tak chu an chenna in kawtah an pungkhawm nghal tih sawiin tualchhung Biak in (Mosques) te pawh a thih thu puan nan a hman theih turin an buatsaih nghal tih a tarlang a ni.

Mahse, a fans-te chuan an chenna inah damin an hmu leh lawi sia, an nupa hian lar an duh avang leh ngaisangtu neih belh nan thawnthu an phuah chawp tiin fans-te pawh an thinrim hle a ni.

A hnuah video post leh nghalin a pasal Adil chu an pathian Allah in nunna dang a pe tih sawiin a lo dam leh niin a sawi leh ta a ni. He thil thleng avang hian an hming thanna aiin an tlakhniam phah ring an tam hle tih an sawi. An fans-te chuan an thinrimna thu bak engmah an sawi thei lo a ni ber.

Leave A Reply

Your email address will not be published.

This site uses Akismet to reduce spam. Learn how your comment data is processed.

WP2Social Auto Publish Powered By : XYZScripts.com
error: Content is protected !!