Your Daily News

Firfiakten Hmeichhe Ruangte Chu Ui An Pe Thin Tih Taliban-ten A Mitmu An Kherchhuahsak Afghan Nuin A Sawi

0 1,084

Police hna a thawh avanga Taliban firfiakten a mitmu an kherchhuahsak tak Afghan nu lainatawm tak chuan, hmeichhe thi ruangte chu Taliban firfiakten ui an pe thin tih a sawi chhuak!

Afghan hmeichhe khawngaihthlak tak tuna Delhi a khawsa mek Khatera sawidanin, “Hmeichhiate chu Taliban ho hmaah chuan nunna nei pawh an nilo, duhtawka chansawm theih sa ang mai lawm an nih.” tiin News 18 a hrilh a ni.

Khatera kum 33 a upa sawidanin, a pa ngei pawh Taliban fighter a lo ni tawh thin a, a hna thawh an dodal avang chuan Ghazni Province ah vawi 8 lai mai Taliban hoin an kap tih a sawia, a mitah tak kap fuhin an mit a del zui ta a ni a ti.

Taliban ho hian hmeichhiate an tiduhdah thin hle maia, an thawmhnaw phelhsakin an sawisakna hnuhmate chu hmeichhe dang vauzam nan leh sawisak nan an hmang zui thin a ti bawk. A chang leh hmeichhe thi ruangte chu phum loin an chansawma ui an pe thin a ti bawk.

Taliban ho lak atanga zalen ta Khatera chuan, Afghan hmeichhiate leh naupangte dinhmun tur chu suangtuah ngam pawh a nilo tiin lungchhe takin a sawi a ni.

Leave A Reply

Your email address will not be published.

This site uses Akismet to reduce spam. Learn how your comment data is processed.

error: Content is protected !!