Your Daily News

Fapa Hrin An Inbeisei Laiin Nupa Tuakten Hmeichhia Hringin An Rilru Beidawng Chuan Bawlhhlawlh Paihna Hmunah An Kalsan

0 306

Reportna in a tarlan danin China ramah nupa tuakte chuan an fanu nuasen bawlhhlawlh paihna hmunah an kalsan tih a tarlang. He nausen hi nu pumchhung atanga pianghlim hlawl niin a laihrun nen rawng taka kalsan a ni.

Tualchhung meidia-te tarlan danin he hmeichhe nausen rohsan tak pa hi Zhang tia koh, kum kum 24 a upa niin Guangdong Province, Dongguan kawtthlerah nausen hmeichhia a paih lai chu CCTV in lo manin police-ten an chhui zui ta nghal a ni.

Police-te chuan Chinese social media, WeChat kaltlanga thuchhuah an siamah he pawikhawihtu nupate hi an finfiah tawh thu leh hnathawhna hmun atanga an lo haw hun nghakin an chenna in kawtah man turin an chang reng tih an tarlang.

An thuchhuaha a landanin July 29 khan Zhang nupui, Li kum 21 mi chuan zinglam dar 1 velah an inluahna hmunah fanu a hring tih an sawia, an nupa hian fapa an duh zawk avangin an fanu nausen chu dahbo mai turin an inberawn tih an sawi a ni.

Tichuan, an nupa remtihna in Zhang chuan a fanu nusen chu pu chhuakin Dazhou Community hmuna bawlhhlawlh bawmah dahin a kalsan zui ta a ni.

Police-te hmaah Zhang leh a nupuite chuan fa 3 lai mai enkawl chu an zuam lo niin an sawia, an fa nausen pianghlim chu an nupa remtihnain dahbo an tum tih an sawi a ni. He nausen hi thuneituten nausen enkawlna hmunah lain a dinhmun pawh a tha tih an sawi.

An nupain police-ten manin a nupui erawh a hriselna a that tawk loh avangin chhuah lailawk a nia, a pasal erawh an hren mek thu police-te chuan an sawi a ni.

Leave A Reply

Your email address will not be published.

This site uses Akismet to reduce spam. Learn how your comment data is processed.

WP2Social Auto Publish Powered By : XYZScripts.com
error: Content is protected !!