Your Daily News

A FANU KUM THUM MI CHU CHARGER HRUIIN A REK HLUM.

0 894

Thawmhnaw dawr neitu pa chuan a fanu kum thum mi, Vanshika chu a nupui nen an inhauh hnu in Thawhleh zan khan charger hrui hmangin a rek hlum. Pawikhawihtu, Tarun Goyal fanu pakhat zawk,Yashika kum 13 mi chu thu hretu ah hman a ni. Goyal leh a nupui, Mamta te chu inngeih lo in an inhau deuh reng a, an nupa inrem lohna chu thihna thlen chhan niin an sawi.

” An nupa hian an in Kamala Nehru Colony ah pawisa avangin Thawhleh zan khan an inhau a. Mamta thinrim chu a fanu te pahnih nen Shakyi Nagar a a pasal te inah a kal a, a pasal hian a zui ru a ani” tiin Kotwali SHO Manoj Kumar chuan a sawi a” Goyal hian a nu leh pate hnen atangin a fanu te hi a la a, a dawrah hruaiin a fanu, Vanshika kum thum mi chu charge hruiin a rekhlum ta ani” SHO chuan a ti bawk.

” He thil thlen hnu hian a unaunu Yashika chu tapin apa thil tihsual chu sawichhuak tum in apa chu a vo a. Goyal a tihngaihna hrelo chuan a fanu te pahnih Vanshika ruang tel chuan a nu leh pate inah a hruai leh a. Mamta in damdawi ina hruai tura a ngen hnuah an kal a. An pali chuan motorcycle in damdawi in lam panin an kal, mahse Mamta chuan a pasalin a thah vek hlauin Fauji Chowk ah a zuang thla a, chulai hmuna police te chu a hrilh nghal vat a. Chet la nghal vatin Goyal chu kan man ta a ni” tiin SHO chuan a sawi.

Vanshika chu damdawi ina hruai niin thi a puan nghal a ni. Goyal chu IPC section 302 hmanga man a ni a. Naupang pu, Mela Ram leh a pi, Nirmal Devi ge chu IPC SECTION 120-B misual puih avangin man an ni bawk.

Leave A Reply

Your email address will not be published.

This site uses Akismet to reduce spam. Learn how your comment data is processed.

error: Content is protected !!