Your Daily News

Fa Nei Theilo A Fanute Nupa Tan Fa A Paisak

0 582

US, Illinois a khawsa Breanna Lockwood-te nupa chuan fa an nei thei lova, kum 4 chhung zet kawng hrang hranga fa neih theih dan kawng an ngaihtuah hnu pawhin an hlawhchham tih an sawi. IVF hmang pawhin neih an tum thina an hlawhchham fo tih an sawi. Fanaute nen chhungkaw hlim tak dina khawsakho dial dial an suangtuahna chu engmah loah a chang ta a ni.

Breanna Lockwood nu kum 51 mi chu a hriselna a tha in nu vantlang tak mai a nia, a nulat laiin sport ngaina mi tak a nia intlansiakna ah pawh a tel ve fo tih an sawi. Tu hmel hmuh a chak ve viau nain a fanu leh a pasal chuan fa an nei thei bawk si lova, a mang ang hle a beiseina a nei sang ta meuh lo.

A ngaihna a hriat tak loh avangin a fanu leh a pasal chu thurawn tha tak pein fa a paisak thei a sawia, mak an ti ang reng hle. Mahse, fa a neih theihna tur a nih avangin a nawr lui ta tlata, a fate tan chuan nau a paisak ta a ni.
Doctor-ten tunlai thiamna hmangin a fanu leh a pasal chi chu an lachhuaka, a chhul ah dahsakin, tiang hian surrogate kan tih mai, nau inpaisak chu an tihlawhtling ta a ni.

Julie Loving in a fate lawm nana a thil tih chuan a nu hmangaihna a hriatchhuah tir tih sawiin, a fanu pawh a lawm em em a ni tih a sawi.

A fanu Breanna Lockwood pawhin “Ka nu zet zawng Rock Star ang mai a ni” tiin a lawmzia a sawilang ve bawk. Tiang hian thla 9 chhung zet fa a pai hnuah November 2, 2020 khan fanu duhawm tak a hringa, a hmingah Briar Julliette Lockwood tiin an phuah nghe nghe. (Daily Star)

Leave A Reply

Your email address will not be published.

This site uses Akismet to reduce spam. Learn how your comment data is processed.

error: Content is protected !!