Your Daily News

Fa 10 Neipha Nu te Hnenah Vladimir Putin Chuan Sumfai £13,000 A Pek Tur Thu A Puang

0 351

Russian President Vladimir Putin chuan ramchhung nu te hnenah thu lawmawm tak puang chhuakin, fa 10 neipha chin hnenah sumfai £13,000 a pe dawn tih a puang ta rup mai le!

He thil hi Russian ram population hniamthla zel dona chikhat atan a ruahmanna a nih thu an sawi a, nu te hnenah sumfai hlanna tur dân an siam hi Putin chuan Thawhtan ni khan a hming a ziahhnan a ni.

Soviet-era hun lai pawh khan Stalin chuan Order of Maternal Glory, Third, Second leh First Class tiin a lo tichhuak leh tawh a, hmeichhia fa 9 neite chin te chuan First class Order an hlawh thei ani. Indopui 2 na hun lai khan Russia chuan a mi leh sa a hloh nasa a, tuna Putin ruahmanna pawh hi Stalin ruahmanna tihthar lehna a ni a tih theih awm e.

Russia population hi a tlahniam chak hle a, 2021 kumah ram chhung mipui tam zawng chu 146 million atangin 145.3 million-ah a tlathla a ni. Hei bakah hian Ukraine nen an indona chuan nasa takin an population-ah nghawng a nei lian hle bawk a ni.

Nute chuan fa 10 a neih hnuah, a naupang berin kum 1 a tlin veleh sumfai lawmman hi an dawng thei dawn a, an fa 10 te chu an dam ngei a ni tih hriatpuina neih a ngai dawn bawk a ni.

Leave A Reply

Your email address will not be published.

This site uses Akismet to reduce spam. Learn how your comment data is processed.

error: Content is protected !!