Your Daily News

Europe-ah Vur Rawng Sendâng Tla Nasa Avangin Scientist-te An Mang Ang!

0 2,653

Alps, Italy leh Europe hmun thenkhatahte vur rawng sendâng (watermelon Snow) an tih mai chu a tla nasaa hei hian khawvel sik leh saah nghawng a nei thui hle dawn niin an sawia an mangan phah hle tih an sawi.

Scientist-te chuan he vur rawng sendâng Europe rama tla hi thil thleng ngai lo leh thil thar a nih avangin thil nihphung lo leh thil thlendan pangai lo tak a ni tih sawiin a hlauhawm thei tih an sawi.

An sawi dan chuan he vur rawng sendâng hi algae avanga lo awm niin an sawia, Scientist report thar ber atanga a landanin he algae hian tlangsang tak tak hmuna vur tlangte chu tituiin mihringte tan nghawng thalo tak a nei dawn tih an tarlang.

Vur rawng dangdai tak hi Italy rama Pellizzano, Presena glacier bulah tunkar tir lam khan an hmuh thu an sawia he thil hi Italy ram pawhin a la tawn hriat ngai loh thil a ni tih an sawi bawk.

Kar liam ta mai khan Alaska lamah pawh vur rawng sendâng ang chi hi hmuh a ni ve bawk. March thla laihawl pawh khan Northern Antarctica ah hmuh a ni leh bawk a ni.

Ukranian researcher-te sawidanin Galindez Islanda vur tlate hi Europe ram hmun dang aiin a sen deuh zawk tih an sawi a ni.

Khawvel hian eng ang hun khirh tak tawng ang maw. Hmun tinah harsatna leh thil makin a khat a ni ber.

Leave A Reply

Your email address will not be published.

This site uses Akismet to reduce spam. Learn how your comment data is processed.

error: Content is protected !!